Sipas gazetës spanjolle “Marca” mesfushori francez, Paul Pogba, donte të largohej nga Manchester United për t’u rikthyer në kampionatin italian, me ngjyrat bardhezi.
Vetë mesfushori e ka bërë një kërkesë të tillë te menaxheri Raiola, i cili duhej të mundësonte rikthimin e tij në Torino, atje ku futbollisti ndihet shumë mirë.
Përplasjet me trajnerin Mourinho e kanë rënduar situatën e tij në “Old Trafford” dhe kampioni i botës donte të ike, por United e hodhi poshtë këtë mundësi.
“Djajtë” kërkojnë të paktën 110 milionë euro për lojtarin për të cilin ishte interesuar edhe Barcelona, por faktikisht francezi donte të rikthehej te Juventus, ku u afirmua si një nga mesfushorët më të mirë në qarkullim.
