Edicioni i 19-të i Lojërave Mesdhetare do të zhvillohet në vitin 2021 dhe ato do të organizohen ny qytetin e Oran, në Algjeri. Në fakt, ky vendim ishte marrë kohë më parë, por sot është zyrtarizuar pas mbledhjes që komiteti drejtues i Lojërave Mesdhetare zhvilloi sot në Oran, dy muaj pas përfundimit të Mesdhetareve “Tarragona 2018”.
Ashtu sikurse pritej, nuk ka ndryshim të datës së Lojërave Mesdhetare, që do të zhvillohen pas 3 vitesh dhe jo pas 4 vitesh, ndonëse edicioni i fundit i këtij eventi u zhvillua pas 5 vitesh (spanjollët i shtynë me një vit Mesdhetaret që duhej të ishin zhvilluar në vitin 2017). Oran fitoi të drejtën për të organizuar këtë turne, pasi mundi në finale qytetin Sfax të Tunizisë.