Skuadra e Paris Saint Germain, përmes një postimi në rrjetet sociale, ka zyrtarizuar blerjen e mbrojtësit të majtë spanjoll Juan Bernat nga skuadra e Bayern Mynih. Lojtari 25-vjeçar do të debuytojë me skuadrën kampione të Francës pas një eksperience 4-vjeçare në Bundesliga me skuadrën kampione të Gjermanisë. Bernat ka nënshkruar një kontratë 3-vjeçare me skuadrën franceze.
Kishte kohë që përflitej ky transferim, që është zyrtarizuar vetëm në orët e fundit të merkatos së verës nga PSG. Më herët, trajneri Thomas Tuchel, pat konfirmuar se do të mbërrinte Bernat, si një përforcim i orës së fundit, por mungonte zyrtarizimi. PSG kishte kohë që kërkonte një mbrojtës të krahut të majtë, pasi dështoi të sillte në Paris fillimisht Alex Sandro e më pas Filipe Luis.
✍️ ¡Bienvenido @JuanBernat! 🇪🇸 pic.twitter.com/JaE2cVVMYC
— Paris Saint-Germain (@PSG_inside) August 31, 2018
