Barcelona ngeci përsëri, kësaj radhe në shtëpi ndaj Athletico Bilbaos, dhe Luis Suarez u ka bërë thirrje bashkëlojtarëve të mësohen të fitojnë vetë, pa u mbështetur gjithmonë në numrin 10, Leo Messin.
Uruguaiani insiston se Messi nuk duhet të jetë përgjegjësi i vetëm për ta bartur skuadrën mbi supe në situata të vështira, transmeton Gazeta Express.
Barazimi 1-1 ndaj Bilbaos nënkupton se Barcelona i ka lëshuar nga dora shtatë pikë në tri ndeshjet e fundit.
“Ai [Messi] është më i miri në botë, por ne nuk mund të mbështetemi në Leon për të na zgjidhur çdo problem”, tha Suarez pas ndeshjes.
“Kemi shumë lojtarë këtu dhe është dashur të fitonim para se ai dhe Busquets të futeshin në lojë”, shtoi ai.
