Barcelona i ka fituar tri pikët e para në fazën e grupeve të Ligës së Kampionëve. Katalanasit e kanë mposhtur PSV-në me rezultat prej 4 me 0.
Llogarinë për Barcelonën e hapi Leo Messi nga gjuajtja e lirë në minutën e 32’, ku me këtë rezultat edhe përfundoi pjesa e parë.
Katalanasit e filluan sërish me sulm pjesën e dytë, duke shënuar dy gola për dy minuta me anë të Dembeles në minutën e 75’ dhe Messi në atë të 77’-të.
Argjentinasi nuk u ndal me kaq, pasi realizoi het-trik në minutën e 87’.
Kujtojmë se Barcelona është në grup edhe me Tottenhamin dhe Interin.
