Kur Crisitiano Ronaldo kaloi testet mjekësore me Juventusin, mjekët e ekipit nga Torino ishin të befasuar, aq sa siguruan se portugezi, në moshën 33-vjeçare, kishte fizikun e një të riu të moshës 21 vjeç. Trupi i tij ka vetëm 7% yndyrë dhe 50% është masa e muskujve.
E pra, Anthony Joshua, i cili përballet të shtunën në “Wembley” me Povetkin, është fiksuar me këto të dhëna dhe ka vendosur të studiojë trajnimin e Cristiano Ronaldos për një jetë më të gjatë në majat e sportit që ushtron (boks).
“Cristiano Ronaldo bëri një test fizik. Ai është 33 vjeç, por ka trupin e një 21-vjeçari, ndaj duhet ta ruani trupin tuaj, – tha Joshua, 28 vjeç. – Unë shkoj për të luftuar me Povetkin në një, ose dy raunde, por pas kësaj janë tetë javë përgatitje intensive. Si boksier mund të bëj 200 raunde, ndaj është e nevojshme për t’u kujdesur dhe mbrojtur trupin tuaj”.
Kushdo që e ka ndjekur trajektoren e britanikut e di se ka pasur një përmirësim fizik progresiv dhe nuk është braktisur në këtë kuptim, edhe kur nuk ka qenë i përqendruar në një kamp trajnimi. Sidoqoftë, asnjë atlet i elitës nuk duhet të jetë nën 5% të yndyrës trupore, pasi kjo mund të ndikojë në performancën e tij. Në njerëzit e shëndetshëm, gjëja e zakonshme është se ky indeks është 20%.
