Kreativiteti i shpalosur në internet është për t’u admiruar, pas çdo incidenti, goli apo ndodhie interesante në fushën e blertë. Janë “mjeshtrit e mediave sociale” që shpalosin talentin dhe imagjinatën duke bërë virale krahasime qesharake që shpërndahen në rrjetë në kohë rekord.
I tillë ka qenë edhe festimi i golit, që i dha Liverpool-it fitoren ndaj PSG-së, nga Roberto Firmino, i cili mbuloi syrin e dëmtuar në ndeshjen me Tottenham-it fundjavën e kaluar.
Kjo nënkuptoi që Firmino nuk ndalet edhe po “t’i nxjerrësh sytë”.
Në rrjetet sociale e kanë krahasuar me kapitenin e Piratëve të Karaibeve, e kanë paralelizuar gjestin e tij me testin mjekësor të syve, si edhe kanë hapur kuice ku shkruajnë mënyrat si mund të shënosh një gol: me të dy sytë, pa sy ose me një sy (si në rastin e Firminos).
