Laçi pret kthesën e madhe. Kur kampionati po hyn në një fazë tejet interesante, kurbinasit nuk duan më gabime. Java e 7-të i rikthen në shtëpi dhe përballë do të kenë Bylisin. Një kundërshtar që vjen nga Kategoria e Parë, por ka dëshmuar se është surpriza më e madhe e këtij sezoni.
Duke qenë nën presionin e pikëve, drejtuesit kanë menduar që të kenë si “bonus” tifozët në këtë duel. Klubi bardhezi ka vendosur të lejojë hyrjen e tifozëve falas në tribunën ballore, ndërkohë që i fton ata të jenë të shumtë në stadium.
Përballja e fundit mes këtyre 2 skuadrave daton në 6 shkurt të këtij viti, ku kurbinasit triumfuan me rezultatin 3-0 në ndeshjen e vlefshme për Kupën e Shqipërisë. Të dy trajnerët kanë bërë publike edhe formacionet zyrtare, ku nuk mungojnë surprizat.
LAÇI-BYLISI ORA 14:00
FORMACIONET ZYRTARE:
Laçi: Stazhilla, Fangaj, Ignjatovic, Gjoni, Domgjoni, Shehu, Deliu, Lushkja, Teko, Xhixha, Nuabueze. (në dispozicion: Sali, Turkaj, Berisha, Gjini, Malçi, Stenio, Ymeri, Zaimaj). Trajner: Sulejman Starova
Bylisi: Hidi, Ymeraliaj, Goxhaj, Bicaj, Peposhi, Janku, Mëllugja, Murataj, Ntepe, Qardaku, Guindo. (në dispozicion: Miraka, Aliaj, Bajramaj, Hadroj, Celis, Vailant, Ndreca, Opoku, Ujka). Trajner: Veljko Dovedan
Gjyqtarë: J.Xhaja, D.Myftaraj, D.Agaraj (Tiranë)
