Klaudio Markizo ka mbyllur aventurën e tij me Juventusin pas shumë vitesh, Ai është përshëndetur me klubin bardhezi dhe është në kërkim të një ekipi të ri.
Për të interesohen Zenit, Porto, Benfika dhe më shumë se të gjithë, Monako. Megjithatë sipas asaj që raporton “La Repubblica”, se fundmi është Roma ajo që kërkon të ketë në ekip 32 vjeçarin. Po ashtu edhe Milani është i interesuar për të siguruar shërbimet e italianit.
Mosha e tij, jo shumë e madhe, ka bërë drejtuesit e klubit nga kryeqyteti të besojnë se Markizio është ende në nivel të lartë. Bisedimet kanë nisur dhe Markizio është në shqyrtim të të gjitha ofertave.
