Shorti i hedhur në Nion të Zvicrës i rezervoi Interit një grup të vështirë. Zikaltërit e drejtuar nga trajneri Luçiano Spaleti, do të pozicionohen në grupin B ku së bashku me të ndodhen Barcelona, Totenhemi dhe PSV Eindhoven.
Skuadra italiane kthehet në këtë kompeticion pas 6 viteve mungesë dhe ndërsa për herë të fundit këtë trofe e kanë fituar në vitin 2010. Në atë vit ata realizuan tripletën, por njëkohësisht arritën të mposhtnin skuadrën që sot e kanë në grup, Barcelonën.
Dhe për të ndezur akoma edhe më shumë ka menduar faqja zyrtare e Inter në “Instagram” ka shpërndarë në video golin e dytë të shënuar në “San Siro” ku rezultati përfundoi në shifrat 3-1 duke thumbuar në këtë mënyrë katalanasit e drejtuar nga Ernesto Valverde.
