Paulo Dybala ka pësuar një dëmtim gjatë fitores së Juventus ndaj Sassuolo-s dhe është në dyshim për ndeshjen e radhës ndaj Valencia-s në Champions League. Argjentinasi luajti 90 minuta në fitoren 2-1.
Gjithsesi, klubi ka konfirmuar gjatë pasdites së hënë se La Joya është trajtuar për një dëmtim në këmbë, që është pësuar gjatë ndeshjes së ditës së diel.
Pjesa tjetër e lojtarëve që ka luajtur në kampionat ka zhvilluar një seancë rikuperimi në palestër, teksa pjesa tjetër e shoqëruar nga Allegri ka vazhduar në fushë. Juve gjithashtu ka konfirmuar se Chiellini rikthehet në skuadër për ndeshjen e së mërkurës.
