Pavarësisht se merkatoja e transferimeve tashmë është mbyllur, drejtori sportiv i Interit, Piero Ausilio vazhdon të monitorojë tregun për afrime të mundëshme gjatë merkatos së janarit. Emri i fundit në listën e drejtuesit zikaltër, është ai i portugezit Bruma, i cili luan te RedBull Leipzig në Bundesligë.
24-vjeçari shikohet si pasuesi i Cristiano Ronaldos te luzitanët, rol të cilin e mbuloi edhe në takimin që skuadra e drejtuar nga Fernando Santos luajti përballë Italisë në Nations League. Edhe më parë Inter ka shfaqur interes për Bruma, ndërkohë që nuk do te jetë e lehtë shkëputja e tij nga Leipzig.
