Neymar u bashkua me Paris Saint-Germain nga Barcelona në verën e vitit 2016, por raportet e lidhnin atë me një kthim të menjëhershëm në Spanjë. Presidenti i Real Madrid, Florentino Perez e bëri brazilianin prioritet në merkaton e fundit të transferimit, por PSG hezitoj të fillonte negociatat për shitjen e tij. Megjithatë, sipas medias franceze “Le10 Sport”, ka prapaskena në lidhje me të ardhmen e Neymar, por ai ende duhet të bjerë dakord për një kontratë financiare me kampionët evropianë dhe PSG gjithashtu duhet të pajtohet me një tarifë me Realin – nëse ata vendosin ta shesin atë. Shanset janë që ai të transferohet në “Santiago Bernabeu”, pasi bisedimet e parë kanë qenë të suksesshme.
Sulmuesi u bë lojtari më i shtrenjtë në botë kur ai u largua nga Barcelona për 222 mln euro dhe PSG do të kërkojë një tarifë të ngjashme në qoftë se ata zgjedhin ta shesin. Neymar aktualisht është nën kontratë me PSG deri në vitin 2022 dhe Real Madridi u detyrua të mohonte raportet që ata po përpiqen të nënshkruanin me atë në muajt e fundit.
“Përballë raporteve të vazhdueshme që lidhin Neymar Jr. të PSG me klubin tonë, Real Madrid C. F. dëshirojnë të sqarojnë se klubi nuk ka ndërmend të bëjë ndonjë ofertë për lojtarin”, njoftoi klubi për të hedhur poshtë këto zëra, duke shtuar se dy klubet gëzojnë një marrëdhënie të shkëlqyer. Ndërkohë, ish-ylli i Barcelonës, Rivaldo, mendon se Neymar përfundimisht do të përfundojë në Bernabeu. “Për momentin duhet të besoj në fjalën e tij se ai do të qëndrojë në PSG, por nga ajo që unë di dhe komentet që dëgjoj, herët a vonë, ai do të përfundojë në Real Madrid”, tha ai një intervistë me “Betfair”.
