Elseid Hysaj dhe Napoli do të vijojnë rrugëtimin e tyre për shumë kohë, pasi palët pritet të rinovojnë kontratën. Për shkodranin do të ketë kushte të reja dhe normalisht që në aspektin financiar do të përfitojë më shumë.
Momentalisht Hysaj ka një pagë që shkon në 1.6 milionë euro në sezon. Presidenti Aurelio De Laurentis prej kohësh po programon të nënshkruajë me mbrojtësin e djathtë, të cilit do t’i rritet paga me 1 milionë euro në sezon.
Veç kësaj, do të ketë edhe klazuola për arritjen e objektivave, çka mund ta çojë pagën deri në 3 milionë euro në total. Gjithashtu po planifikohet që klauzola prej 50 milionë eurosh që vlen për klubet e huaja të hiqet.
