Cesc Fabregas nuk është i kënaqur me situatën e tij në Londër pasi nuk po gjen hapësirë në formacionin bazë të Chelsea. Edhe pse Roman Abramovich është një admirues i madh i ish-yllit të Barcelonës, shefi i Chelsea, Maurizio Sarri e sheh spanjollin si zëvendësues të Jorginho i cili menjëherë ka fituar një vend në formacionin bazë pas transferimit nga Napoli.
Në merkaton e verës mesfushori spanjoll do të largohet nga londinezët pasi kontrata e tij skadon në vitin 2019. Sipas mediave italiane, lojtari është i lidhur me Milanin dhe klubi rossoner i ka siguruar atij një vend në formacionin bazë.
Drejtuesit e Milanit janë të vetëdijshëm për gjendjen e Fabregas dhe megjithëse Leonardo ende nuk ka bërë ndonjë kontakt të drejtpërdrejtë me lojtarin dhe rrethinën e tij, pritet që një gjë e tillë do të ndodhë javët e ardhshme.
