Pasi impresionoi në Kupën e Botës me Meksikën dhe sezonit të shkëlqyer që po zhvillon me PSV Eindhonven, Hirving Lozano mund të thuhet se ka fituar të drejtën për të luajtur me një ekip të madh, duke nisur nga sezoni i ardhshëm.
Për 23-vjeçarin është një listë e gjatë me klube që dëshirojnë shërbimet e tij, por tashmë duket se do të jetë një betejë në merkato mes Real Madrid dhe Barcelonës. Lozano mund të mbulojë çdo pozicion të sulmit dhe vlera e tij aktuale ka arritur të paktën 40-50 milionë euro dhe deri në verën e ardhshme çmimi i tij mund të bëhet më i kripur, deri në 80 milionë.