Ish-kampioni i botës Mesut Ozil ka falënderuar kolegun e dikurshëm te përfaqësuesja gjermane Jerome Boateng për mbështetjen e tij pas largimit nga ekipi kombëtar.
“Faleminderit për fjalët e tua, vëlla. Te Gjermania ke qenë gjithmonë një mik, i cili nuk më ka munguar edhe në momente të vështira,” shprehet Ozil nëpërmjet Instagram.
29-vjeçari Ozil i klubit të Premier League Arsenal është larguar nga përfaqësuesja gjermane pas Kupës së Botës pas skandalit të fotove me presidentin turk Recep Erdogan. Boateng ka kritikuar shokët e ekipit te Gjermania për heshtjen e tyre pas largimit të Ozil.
“Ku ishin shokët e ekipit, që falënderuar Ozil? Mesa duket nuk kanë dashur të flasin pasi kanë menduar se nuk do të dukeshin mirë në sytë e tifozëve gjermanë,” është shprehur Boateng.