Feyenoordi i Roterdamit rimori vendin e tretë në Eredivisie me pikë të barabarta më Ajaxin (16), pasi fitoi 2-1 ndaj Vitesses në një ndeshje të tensionuar, ku u nxorën 3 kartonë të kuq, një për vendasit dhe 2 për miqtë. Pjesa e parë u mbyll me epërsinë e një goli të Vitesses, i shënuar nga Bero në minutën e 32-të.
Vendasit reaguan në fraksionin e dytë, fillimisht me Bottenghin, që shtyu drejt rrjetës një top të mbetur në zonë pas një këndoreje, për të ardhur më pas tek episodi i minutës së 63-të, kur Burns u ndëshkua me karton të kuq për ndërhyrje të rëndë nga pas. Veterani Robin Van Persie shënoi golin e fitores për Feyenoordin 2 minuta para përfundimit të kohës së rregullt, ndërsa në shtesë u ndëshkua me karton të kuq pas një ndërhyrje të rëndë. Të njëjtin fat pati në minutën e katërt shtesë edhe Doekhi i Vitesses. Në ndeshjet e së dielës në Eredivisie u arritën këto rezultate:
Heracles – FC Emmen 2 – 1
AZ Alkmaar – Zwolle 2 – 2
Graafschap – Willem II 2 – 1
Groningen – Utrecht 1 – 1
Feyenoord – Vitesse 2 – 1