Së fundmi kanë qenë dy faqet më të mëdha në Facebook dedikuar tifozerive Ultras në mbarë botën që i kanë kushtuar një vëmendje të veçantë klasikes së kryeqytetit shqiptar. “Ultras World” dhe “Ultras-tifo.net”, me nga 1 milion ndjekës secili në rrjetet sociale kanë postuar foto nga ndeshja e luajtur në ‘Selman Stermasi”, duke i thurur elozhe dhe spektaklit të dy tifozerive, e veçanërisht atyre të Tiranës.
“Tirona Fanatics” natyrisht ishin më të shumtë në numër, e për rrjedhojë spektakli i tyre binte më shumë në sy, por as “Guerrils” nuk mbetën prapa. Tashmë duhet të presim ndeshjen e fazës së dytë, për të reklamuar edhe një herë atmosferën festive që edhe futbolli ynë është në gjendje të përcjellë në arenën ndërkombëtare.
