Skuadra e Milanit dhe ajo e Interit do të vazhdojnë të luajnë në të njëjtin stadium. Ka qenë ndryshimi i pronësisë së kuqezinjve ajo që ka rihapur diskutimet midis dy klubeve për “bashkëjetesën” në San Siro. Këto diskutime ishin mbyllur që kur presidenti i Milanit ishte Jonghong Li.
Në atë kohë zikaltërit filluan të mendonin se do të luanin të vetëm në San Siro, por sot gjërat janë ndryshe. Sipas mediave italiane bëhet me dije se të dy skuadrat e qytetit të Milanos do të arrijnë një marrëveshje për të luajtur të dyja në San Siro për 99 vitet e ardhshme.
Ndërsa gjithmonë sipas italianëve të dyja skuadrat janë shprehur të gatshme që të mirëmbajnë stadiumin dhe ta kthejnë një impiant gjigand e modern.
