Kompeticioni më i ri i UEFA-s i pagëzuar si Liga e Kombeve ka ngritur ditën e djeshme siparin. Golat, spektakli dhe emocionet nuk munguan, ndërsa pjesë e saj u bë dhe rivaliteti midis skuadrave në fushë.
Episodi më i rëndë u shënua në takimin e mbrëmjes mes Gjermanisë dhe Francës, me mbrojtësin e “Gjelave” Pavard i cili kishte një përplasje të ashpër me homologun e tij te “Pancerat” Antonio Rudiger. Ky i fundit ndërhyri ashpër ndaj mbrojtësit të Stuttgard, duke i krijuar këtij të fundit një plagë në pjesën e qafës.
Për këtë Rudiger ka shprehur indinjatën e tij, ku përmes një statusi në “Tëitter” i ka kërkuar falje Pavard.
“Më vjen keq për Pavardin. Faulli nuk ishte i qëllimshëm”. I kam kërkuar falur atij menjëherë. Tani unë dua t’i uroj atij një shërim të shpejtë”.-shkruan mbrojtësi i Chelsea në rrjetin social.
Faulli ndodhi pas vetëm tre minutash lojë, ndërsa takimi përfundoi me shifrat e barabarta, 0-0.