Gennaro Gattuso, trajneri i Milan, ka folur në prag të ndeshjes së të dielës kundër Atalanta-s. “Këtë vit kemi shumë mundësi për të bërë rotacion. Në këtë moment, Bakayoko, Borini, Castillejo mund të luajnë nga minuta e parë, janë shumë profesionistë”, ka thënë tekniku kuqezi.
“Caldara titullar? Pse jo? Ka luajtur mirë në Europa League. Higuain? Bën mirë që kthehet mbrapa për të ndihmuar ekipin, por unë dua të lëvizë në 16 metrat e fundit. Më vendimtar se Ronaldo? Unë punoj me Higuain dhe në këtë moment është më i miri në botë, sipas mendimit tim”.
“Ne duhet ta shfrytëzojmë në maksimum, është një kampion që është vënë në dispozicion të skuadrës. Bakayoko? Ka luajtur mirë në Europa League, por pres që të depërtojë më shpesh në zonën e kundërshtarit. Suso? Duhet ta sulmojmë më shumë portën”, ka përfunduar Gattuso.
