Inter nuk ka ndërmend të heq dorë nga Marcelo Brozovic. Kjo është arsyeja përse drejtuesit zikaltërt janë shumë pranë marrëveshjes për rinovimin e kontratës me mesfushorin kroat.
Sipas asaj që bën të ditur “Corriere dello Sport”, Brozovic ka ofertë për të marrë 3 milionë euro në sezon, dyfishin e asaj që merr tani, ndërsa kohëzgjatja do të shkojë deri në qershor 2021. Mesfushori e ka pëlqyer këtë ofertë dhe pritet të rinovojë.
Ndërkohë, nga Anglia shkruajnë se Inter ka nisur kontaktet me drejtuesit e Manchester United, për të huazuar francezin Anthony Martial. Në janar zikaltërit do të bëjnë një ofertë zyrtare për të marrë Martial, por nga ana tjetër duhet të mendojnë se United është i interesuar për Ivan Perisic.
