Futbolli në kohën e Covid-it është diçka tjetër.
Limitimi për sa i takon kontakteve fizike para ndeshjeve dhe, mbi të gjithë, stadiumet bosh janë një minus shumë i madh për lojtarët që shkojnë në fushë.
Por pandemia ka prekur të gjithë sektorët dhe edhe futbolli ka qenë i detyruar të përshtatet.
Shpesh gjatë një goli ka ndodhur të shihet golashënuesi të puthë topin, një festim i përhapur, por që është i ndaluar në futbollin e “infetkuar” nga Coronavirus.
Shumë federata, në fakt, e ndalojnë puthjen e sferës, por Sergio Lopez, lojtar i Aucas, ka shkelur rregullin.
Futbollisti i kategorisë kryesore të futbollit në Ekuador nuk ka arritur ta frenojë instinktin për ta puthur topin pas shënimit të golit dhe tani e pret një gjobë e kripur: plot 1200 dollarë.
Një gol pak i hidhur për amerikanojugorin që tani do të jetë sigurisht më i kujdesshëm.
