“King Power Stadium”, atje ku Leicester doli kampion i Anglisë në sezonin 2015/16, do të presë kombëtaren e Anglisë, për herë të dytë në historinë e tij, pas fitores ndaj Serbisë në vitin 2003. Këtë herë, të besuarit e Gareth Southgate do të ndeshen në miqësore me Zvicrën, pas pak ditë më parë u mposhtën me përmbysje nga Spanja në sfidën e vlefshme për Nations League.
Anglezët kanë humbur tre ndeshjet e fundit që kanë luajtur dhe disfata e katërt do të ishte një rekord negativ që Southgate kërkon ta shmangë me çdo kusht. Bilanci i Anglisë me Zvicrën është 5 fitore, 3 barazime dhe 1 humbje. Për më tepër, në shtatë ndeshjet e fundit, anglezët kanë fituar 5 herë dhe barazuar 3.
Herën e fundit që janë ndeshur ishte për eliminatoret e Euro 2016 dhe anglezët i fituan të dyja ndeshjet 2-0. Trajner i Zvicrës ishte ky aktuali, Vladimir Petkovic.
Humbja ndaj Spanjës ishte e para për Anglinë në shtëpi, pas 12 ndeshjesh, ku kishte fituar shtatë. Ndërkohë, Zvicra, që e nisi Ligën e Kombeve duke fituar 6-0 ndaj Islandës, vjen në këtë miqësore me një bilanc të mirë në transfertë, ku humbur vetëm 1 nga gjashtë ndeshjet e fundit.
Për qendërmbrojtësin e “luanëve” Harry Maguire do të jenë një ndeshje në shtëpinë e tij, atje ku rinovoi kontratën deri në vitin 2023. Nga ana tjetër vëmendja do të jetë e përqendruar te Xherdan Shaqiri, i cili me 21 gola është golashënuesi më i mirë te kombëtarja “helvetike”. Sulmuesi që luan me Liverpool e njeh mirë futbollin britanik pasi prej më shumë se dy vitesh luan në Premier League.
Hera e fundit që Anglia dhe Zvicra kanë mbyllur ndeshjen përkatëse me rezultatin 0-0 ka qenë në nëntor 2017. Gjashtë nga shtatë ndeshjet e fundit të Zvicrës jashtë fushe kanë prodhuar më pak se tre gola.
