Kamza dhe Kastrioti luajnë ndeshjen e parë të javës së 4-t në Kategorinë Superiore. Vendasit, pasi fituan në Kupë, tani do të zhvillojnë edhe ndeshjen e parë në kampionat, me Klodian Duron në krye të stolit, pas shkarkimit të Devollit, pas 3 takimesh.
Nga ana tjetër, Kastrioti, vjen me një fitore dhe dy humbje në këtë sfidë, dhe tashmë, ndaj një rivali pak më të lehtë se ato të javëve të kalura, do të kërkohen patjetër pikë. Stadiumi i Kamzës, vazhdon të jetë i dënuar, dhe ndeshja do të luhet pa tifozë.
LIVE | Kamza-Kastrioti 2-0
GOL: Roloviç 13′, Fukui 43′
Mbyllet pjesa e parë. Kamza-Kastrioti 2-0
45′ 2 minuta shtesë.
43’ GOOOL Fukui shënon golin e dytë, pas një shërbimi të përkryer nga Plaku. Japonezi kalon portieri Kuka, dhe me portën e boshatisur, godet që nga jashtë zone dhe shënon.
37′ Goditje dënimi për Kastriotin. Krosim në zonë, por largon Sebino Plaku.
33’ Kroson në zonë Husein, por është Teqja ai që pastron me kokë rrezikun për kamzalinjtë.
29’ Husein provon nga shumë jashtë zone drejt portës së Avdylit, por portieri kontrollon pa probleme.
26’ Çela ndërhyn ndaj Roloviç në një dyluftim ajror, nevojitet ndërhyrja e mjekëve për lojtrarin e Kamzës.
17’ Goditje e fortë në kuadratin e Avdylit, por portieri i Kamzës kontrollon në dy kohë.
13’ GOOOL Roloviç shfrytëzon mjaft mirë një top në zonë, dhe pas një shpërqëndrimi të mbrojtjes krutane, mposht portierin Kuka.
10’ Ka tension në fushë, ku situata nxehet pas një faulli në mesfushë.
4’ Plaku kroson në zonë nga një goditje dënimi, por mbrojtja krutane largon me kokë.
1’ Provon me disa kombinime menjëherë Kamza. Martinena lë bukur një top me kokë për Plakun, ky i fundit shërben për Roloviç, por arbitri sinjalizon pozicion jashtë loje.
1′ Nis takimi në Kamzë.
