Interi është duke i finalizuar detajet e fundit për ripërtëritjen e kontratës së Mauro Icardit, sipas mediave italiane, që raportojnë se vetëm bonuset kanë mbetur të diskutohen para se argjentinasi ta nënshkruajë zgjatjen kontratës.
Zikaltrit janë të vendosur t’ia zgjasin kontratën kapitenit të tyre dhe jo të paktën t’ia rrisin apo heqin klauzolën e lirimit prej 110 milionë euro në kontratën e tij të tanishme.
Sipas Gazzetta dello Sport, klubi i ka ofruar argjentinasit zgjatje të kontratës deri më 2023, me një pagë vjetore mes 5 dhe 6 milionë euro.
Ekziston një marrëveshje bazike mes klubit dhe lojtarit dhe përfaqësuesve të tij, por ende vazhdojnë bisedimet për bonuset që duhet të përfshihen në marrëveshje, të cilat do t’ia mundësojë Icardit ta rrisë pagën nëse arrihen synimet personale dhe ekipore.
