Drejtuesit te Milani ndërrohen, por dëshira për të veshur kuqezi mesfushorin spanjoll Cesc Fabregas vijon të mbetet e njëjtë për të gjithë. 31-vjeçari i Chelseat është një fiksim edhe për Leonardon, që ka nisur nga puna, për të bërë të mundur transferimin e tij në Milano sa më herët të jetë e mundur.
Kontrata e Fabregas me londinezët skadon në fund të këtij sezoni dhe lojtari mund të transferohet me parametra zero te kuqezinjtë e Milanos, por Leonardo po studion edhe një opsion tjetër.
Duke përfituar nga marrëdhëniet e mira me drejtuesit e Chelseat, ai do të kërkojë të afrojë spanjollin që në muajin janar, kundrejt një shume simbolike, nisur nga fakti që Fabregas nuk është titullar në formacionin e Chelseat.
Nga ana tjetër, te Milani Fabregas do të ishte një vlerë e shtuar për pjesën e dytë të sezonit, pasi kuqezinjtë kanë vetën Biglian në regji, që gjithsesi nuk premton të përballojë një sezon, i vetëm.
