Aurah Ruiz, ish e fejuara e Jesse Rodriguez do të marrë pjesë në formatin “Big Brother Vip 6”. Me siguri modelja bukuroshe do të vazhdojë me akuzat për ish-partnerin e saj, që sipas saj nuk kujdeset për djalin e tyre të sëmurë, Nyan.
Programi i Telecinco “Big Brother Vip 6” është gati të fillojë së shpejti dhe mediat kanë konfirmuar disa prej pjesëmarrësve të saj. Aurah do të marrë pjesë në këtë format, ndërsa do të lërë djalin e sëmurë nën kujdesin e mjekëve.
Nyan, vuan nga një sëmundje serioze që ka lidhje me sheqerin në gjak dhe po vazhdon të marrë kurën në spital. Ish-sulmuesi i Stoke City-t ka theksuar se do të vazhdojë të kujdeset për djalin e tyre të vogël, edhe pse modelja spanjolle e akuzon shpesh herë se ai nuk i kushton vëmendje.
