Romelu Lukaku nuk ka dyshime dhe vendos të mbajë anën e trajnerit Jose Mourinho, që kohët e fundit ka përfunduar shpesh në qendër të kritikave, pasi ky sezon që sapo ka nisur nuk duket shumë entuziast për “djajtë e kuq”. Por sulmuesi belg i del në mbrojtje trajnerit portugez, duke deklaruar në një intervistë për “BBC” se gjithçka që Mourinho bën është për të mirën e skuadrës,
“Njerëzit duhet ta vlerësojnë për atë që i ka dhënë futbollit dhe jo ta kritikojnë. Të paktën në këtë botë edhe njerëz që janë të ndershëm me të. Mourinho dëshiron të ruajë personalitetin e tij dhe nuk ka frikë të përballet me askënd për të thënë atë që ai mendon”, u shpreh sulmuesi Romelu Lukaku, në sezonin e tij të dytë me Manchester United.
Sulmuesi belg e vlerëson si shumë të rëndësishëm marrëdhënien e tij me trajnerin portugez. “Është shakaxhi. Shpesh bëjmë shaka, jo vetëm mua por edhe me lojtarët e tjerë. Është trajner “cool” dhe shumë familjar. Është një trajner që lufton e zihet me të tjerët për lojtarët e tij, për skuadrën e tij dhe është një gjeni”, u shpreh Romelu Lukaku.
