Pak përpara fundit, nga një gabim kolosal i N’Zonzi, lindi goli i Milanit në minutën e fundit, që u shënua nga Patrick Cutrone. E gjithë paraqitja e Romës dje, në fakt, ishte për tu harruar. Përveç episodeve të caktuara, bardhekuqtë dje thuajse nuk njiheshin.
Shumë pikëpyetje për Di Francescon, i cili kërkonte shpesh nga Kardsrop dhe Kolarov të ndihmonin 3 qendërmbrojtësat, për të evituar dominimin si në pjesën e parë me Atalantan. Në atë ndeshje, ekipi i Gasperinit gjuajti 15 herë portën kundërshtare. Por, fatkeqsisht për Di Francescon, edhe me Milanin, skuadra vuante shumë, duke patur vështirësi edhe për të dalë në sulm.
Sigurisht, një arsye e fortë janë dhe transferimet e shumta të bëra këtë verë, të cilët nuk janë lidhur akoma si duhet me njëri-tjetrin. Tek ekipi kryeqytetas, shpresojnë se 2 javët e pushimit, ku do të luajnë ekipet Kombëtare, do të jenë ndihmë e madhe për Eusebio Di Francescon për të korrigjuar problemet në skuadër.
