Françesko Toti së fundmi ka preznatuar autobiografinë e tij të quajtur “Një kapiten” në një eveniment të organizuar te Koloseu i Romës. Pas episodit që ai ka pasur me Spaletin që mund të kishte degjeneruar në grushte, kësaj radhe ai ka sulmuar legjendën e Juvnetusit, Pavel Nedeved. Toti i referohet ndeshjes së vitit 2006 në Kupën e Botës 2006 ku përballë kishin skuadrën e Republikës Çeke.
“Atë ndeshje Nedved ishte i papërmbajtshëm, më dhemb ta them këtë gjë pasi nuk e duroja dot në fushë. Ai ishte një qaraman. Pak ta prekje fluturonte 10 metra. Të bënte ta godisje me grushte. Por ai ishte shumë i mirë. Në atë ndeshje ishte akoma më mirë se zakonisht dhe Bufon duhet të bënte tre-katër pritje të nivelit të lartë për ta ndalur. Nuk e kam fshehur asnjëherë antipatinë që kam për të, gjithsesi, ai u soll shumë mirë kur u takuam gjatë shortit të Champions League në Monte Carlo.” – tha Toti.
