A e keni pyetur ndonjëherë veten pse Kina nuk ka sukses në futboll, edhe pse është shumë herë më e madhe se një ndër superfuqitë e futbollit aziatik, Japonia?
Kohë më parë thuhej se në Kinë nuk është investuar sa duhet, apo se kinezët janë të tërhequr nga sporte të tjera, por ndoshta e vërteta është shumë më e thjeshtë: kinezët nuk janë të prerë për futboll!
Shteti kinez ka dekada që investon në futboll, aq sa vitet e fundit është hapur “thesi”, me trajnerë e lojtarë të klasit botëror që shkojnë në Kinë për kontrata të pabesueshme. Gjithçka me mbështetjen e shtetit, sepse afrimi i yjeve të futbollit rrit vëmendjen mediatike dhe tërheq njerëzit, ndërsa futbollistët kinezë mund të përmirësohen ndjeshëm duke luajtur me futbollistë klasi.
Gjithçka e kotë, nëse shohim një gol në ndeshjen e fundjavës së shkuar mes Guangzhou R&F dhe Chongqing Lifan.
Sfida përfundoi 1-1, ndërsa miqtë shënuan të parë në minutën e 58-të, me një autogol që mund të klasifikohet i pari në renditjen e autogolave më idiotë të vitit. Tani mund ta themi pa frikë, futbolli në Kinë nuk do lulëzojë kurrë!