Në zonën ku ndodhet stadiumi “Elbasan Arena” që ditën e sotme janë dislokuar forca të shumta policie dhe të njësive speciale.
Që prej orëve të para të ditës së sotme forcat speciale dhe ato të inteligjencës kanë zënë pozicione strategjike për të vëzhguar me kujdes çdo lloj lëvizje që mund të krijojë probleme para ose gjatë ndeshjes. Policia sipas ligjit duhet të qëndrojë jashtë stadiumit, mirpo sipas informacioneve “uniformat blu” mund të hyjnë në brendësi të “Elbasan Arena”. Gjatë ditës së sotme në terren ka zbritur edhe drejtori i policisë Elbasan.
E gjithë zona përreth stadiumit është kontrolluar me disa qenë kufiri që detektojnë lëndë eksplozivi.Sakaq procesi i shitjes së biletave ka vijuar normalisht në sportelet pranë stadiumit, ku vlen të theksohet se nuk ka një numër të lartë të interesuarish.
Ndërkohë brenda impiantit “Elbasan Arena” janë duke bërë punimet e fundit për ta bërë gati për ndeshjen e nesërme. Në stadium po vendosen logot zyrtare të Uefa Nations League dhe të FShF.
Një fakt interesant sa i përket masave të sigurisë në zonën përreth stadiumit “Elbasan Arena”ka të bëjë me një restorant. Lokali është i prenotuar për një gëzim familjar (dasmë), që mund të anulohet nëse nuk do të jepet leja nga Policia e Shtetit.
