Një futbollist i Premier Ligës angleze dhe kushëriri i tij akuzohen se detyruan një vajzë 15-vjeçare të pinte alkool, deri në fazën kur nuk mund të kishte më kontrollin e vetes dhe më pas e përdhunuan me radhë.
Emri i lojtarit nuk bëhet i ditur për shkak të hetimeve, ndërsa mësohet se ai ka qenë 17 vjeç në periudhën për të cilën akuzohet për ngjarjen e tmerrshme. Ylli i futbollit në ishull, që tashmë është 23 vjeç, dhe i afërmi i tij 25-vjeçar, ishin në dijeni se vajza ishte minorene.
Ajo i kishte paralajmëruar se nuk kishte moshën e mjaftueshme për të shkuar në një disko të Francës, aty ku dyshohet se ngjarja ka ndodhur. Sipas akuzës, në vitin 2012, djemtë e shtynë vajzën e vogël që të konsumonte alkool së bashku me ta dhe më pas e përdhunuan.
Në dëshminë e tij, i afërmi i futbollistit, që aktivizohet në Premier Ligë, pretendon se marrëdhënia seksuale ka ndodhur me miratimin e minorenes. Në rrëfimin e bërë, ai deklaroi se priti kushëririn “të mbaronte punë, për të vazhduar me radhën e tij”. Megjithatë, të dy të rinjtë kanë mohuar akuzën e përdhunimit.
