Merkatoja e anglezëve të Chelsea gjatë muajit janar duket se do të përqëndrohet te lojtarët e rinj më të mirë në qarkullim. Pas Federico Chiesas nga Fiorentina, emri i radhës në listën e ‘Bluve të Londrës’ është ai i talentit brazilian të Ajax, David Neres.
21-vjeçari ka një kontratë me harkëtarët deri në vitin 2022 dhe zor se këta të fundit do të duan të privohen nga shërbimet e tij, aq më tepër në mesin e sezonit. Gjithsesi drejtuesit e klubit anglez pritet që në janar të nisin një ofensivë për talentin e ri dhe mbetet për tu parë oferta që ata do të bëjnë për lojtarin e lindur në Sao Paolo.