Rei Manaj ka folur për shtypin spanjoll pas barazimit 2-2 që skuadra e tij, Albasete, arriti ndaj Zaragozës në shtëpi. Ai ka shënuar përsëri në minutën e tretë të takimit, ashtu si javën e kaluar ndaj Majorkës.
“Shënuam të parët dhe falenderoj trajnerin për punën. Është rastësi që kam shënuar në 3 minutat e para. Rëndësi ka që nuk po humbasim, sepse Zaragoza është një ekip i fortë dhe luan mirë me topin. Nuk e di nëse do të vazhdoj kështu, por rëndësi ka që skuadra të eci mirë.” u shpreh Manaj pas takimit.
Sulmuesi i kombëtares sonë u zëvendësua në minutë e 71 të takimit. Albasete ndodhet aktualisht në vendin e tretë në La Liga 2.