Me besimin se klubi ka nevojë urgjente për ndryshim në aspektin e menaxhimit, Victor Font kërkon të bëhet presidenti i ri i Barcelona-s dhe ai është gati të rrezikojë duke akuzuar bordin aktual të drejtuesve për keqtrajtimin e akademisë së famshme La Masia.
Dikur ishte klubi që lakmohej më shumë nga të gjithë, por Font është i pakënaqur me punën e bërë me të rinjtë në La Masia, aty ku ka vite pa u prodhuar një talent që të depërtojë në ekipin e parë.
“Nuk mendoj se La Masia është sëmurë,” shprehet ai.
“Por shumë njerëz përgjegjës për stërvitjen e lojtarëve që dinë modelin e mënyrën e punës në klub, janë larguar. “Për t’u siguruar që La Masia të prodhojë lojtarë në mënyrë konstante, duhet të kujdesesh mirë për të, jo vetëm sa për të larë gojën.
“Në vitet e fundit ka pasur trajnerë që nuk i përshtaten profilit të Barcelona-s. Kështu që duhet të bëhen rregullime, dhe duhet të punësohen njerëz që njohin modelin e Barcelona-s.
“Në vitet e fundit klubi nuk është menaxhuar në mënyrë profesioniste. Dhe nëse vazhdojmë kështu do të përfundojmë si Milan.”
