Ukraina bën një tjetër hap të rëndësishëm drejt dominimit të Grupit 1 të Ligës B të Nations League. Pas suksesin 1-2 në kohën shtesë ndaj Çekisë formacioni i drejtuar nga Shevchenko triumfoi 1-0 edhe ndaj Sllovakisë në takimin e luajtur në “Arena Lviv”, ku golin e vetëm të sfidës e realizoi Yarmolekno me 11-metërsh në minutën e 80-të.
Në po të njëjtën ligë, por në Grupin 4, Danimarka iu imponua 2-0 Uellsit të Gareth Bale, falë “yllit” të Tottenhamit Eriksen, që shënoi të dy golat, një me 11-metërsh. Pas zgjidhjes së ngërçit me Federatën, danezët duket se kishin gjetur një motiv më tepër dhe e merituan tërësisht fitoren në një ndeshje të dominuar prej tyre.
Bullgaria I afrohet ndjeshëm Europianit pasi mundi 1-0 në shtëpi Norvegjinë në Grupin 3 të Ligës C. Suksesi i dytë në grup për bullgarët u vendos nga Vasilev që shënoi në minutën e 59-të.
Në Ligën D Gjeorgjia mori fitoren e dytë në po kaq ndeshje, pasi mundi dhe Letoninë në Grupin 1. Në Tbilisi vendasit triumfuan falë një 11-metërshi të Okriashvilit. Në Grupin 4 Maqedonia i falet dyshes Alisoki-Pandev për suksesin e dytë në po kaq ndeshje, teksa këtë herë ekipi i Angelovskit mposhti në Shkup Armeninë, me rezultatin e pastër 2-0, ku goli i parë u shënua me 11-metërsh ndërsa i dyti në të 59-tën nga sulmuesi i Genoas.
