Trajneri i Juventusit, Massimiliano Allegri e cilëson Napolin si rivalin kryesor në garë për Scudetto dhe beson se Carlo Ancelotti u ka dhënë atyre qetësi.
Bardhezinjtë i mirëpresin Napolitanët në Torino të shtunën në mbrëmje në ndeshjen e vlefshme për javën e shtatë të Serie A.
Kjo është një përplasje mes konkurrentëve të sezonit të kaluar të Scudettos, por sipas Allegrit një gjë e tillë do të ndodh edhe këtë sezon.
Allegri ka thënë se e sheh Napolin si rivalin kryesor pasi tanimë kanë edhe një trajner të madh si Ancelotti.
“Ndeshjet kokë më kokë janë gjithmonë të komplikuara”, ka thënë fillimisht Allegri.
“Ancelotti ka këtë qetësi të madhe që i transmeton ekipit”.
“Ata janë rivali i parë dhe kryesor i Juventusit këtë sezon”.
“Është një ndeshje kokë më kokë, por ende ka shumë fitore”, përfundoi italiani.
