Aktorja dhe modelja braziliane, Bruna Marquezine, ka bërë një rrëfim tronditës në lidhje me periudhën e depresionit që ka kaluar. E fejkuara e Neymar ka thënë se:
“Kam urryer trupin tim, mendoja se duhej të humbja peshë dhe kam marr një laksativ çdo ditë për tre muaj”.
Tani, vajza është mirë pas një kure të ndjekur. Fjalët e saj janë kthyer në një akuzë ndaj ligësisë që shihet në rrjetet sociale: “Trupi ynë, ai i grave, nuk duhet t’i pëlqejë burrit, nuk duhet t’i pëlqejë askujt, kemi nevojë të jemi të shëndetshëm dhe të lumtur”, ka thënë ajo.
Bruna ka marrë pjesë në Festivalin e Venezia-s dhe është kritikuar për peshën e saj të dobët. Por, në fillim, e kishin kritikuar për të kundërtën.
“Njerëzit kanë thënë se nuk isha e dobët aq sa duhet, por pak e shëndoshë dhe unë i besoja. Kam filluar të urrej trupin tim. Kam rënë në depresion dhe për këto arsye kam patur probleme me vetëvlerësimin. E kisha të vështirë të pranoja veten dhe nuk mendoja se isha aspak e aftë”.
