Marcus Rashford nuk do të jetë kurrë sulmuesi kryesor i Manchester United, pretendon Alan Shearer. 20-vjeçari zakonisht është përdorur si një sulmues anësor te Djajtë e Kuq, sidomos nën drejtimin e Jose Mourinho-s, megjithëse ka pranuar gjithmonë se pozicioni i tij i preferuar është qendra e sulmit.
Shearer, golashënuesi më i mirë i Premier League me 260, beson se Rashford ka potencialin për të qenë një nga sulmuesit më të mirë në botë por është e pamundur të ndodhë nën drejtimin e Mourinho-s tek United.
2 – Marcus Rashford's opener (assisted by Luke Shaw) was the first England goal scored and assisted by two Manchester United players since November 2012, when Ashley Young assisted Danny Welbeck against Sweden. Devils. #ENGSPA pic.twitter.com/4Vp8mGBaH8
— OptaJoe (@OptaJoe) September 8, 2018
“Për sa kohë Lukaku të jetë në gjendje të mirë fizike, Rashford nuk do të luajë asnjëherë si qendërsulmues në Old Trafford,” shprehet ish-sulmuesi i Anglisë për The Sun. “Për sa kohë që Mourinho të jetë trajner, nuk do të ketë dy sulmues përpara. “Edhe nëse Lukaku nuk do të luante, më shumë mundësi për të luajtur ka Alexis Sanchez se sa Rashford.”
