Barcelona ka marrë fitoren e katërt radhazi në kampionat pasi ka mundur me rezultatin 2-1 Real Sociedad në transfertë dhe është shkëputur tri pikë nga Real Madrid në renditje, por këta të fundit do të luajnë mbrëmjen e sotme në fushën e Bilbao-s.
Nuk ka qenë aspak e lehtë për miqtë, të cilët kanë pësuar gol në minutën e 12-të të takimit, me Elusondo që ka kaluar në avantazh vendasit.
Reagimi i katalanasve ka ardhur në pjesën e dytë, me lojtarët e Valverde që kanë përmbysur gjithçka në harkun e tri minutave. Suarez ka barazuar në minutën e 63-të, teksa Dembele ka realizuar golin e dytë në të 66-ën.
Kjo ka qenë humbja e dytë radhazi për Sociedad, që mban vendin e 10-të në renditje me 4 pikë pas 4 javëve të para.
Dembele O. Goal HD – Real Sociedad1-2Barcelona 15.09.2018 https://t.co/PorMSZRais#SofaScore #SOC #BAR
— ProSoccerGoals (@ProSoccerGoals1) September 15, 2018