Ndërprerja dy-javore e kampionatit ka qenë fatkeqe për Tottenham-in, sepse ka humbur për dëmtim një ndër lojtarët më të rëndësishëm, mesfushorin Dele Alli. 22-vjeçari ka luajtur çdo ndeshje në sezonin e ri dhe u dëmtua të shtunën e shkuar, në përballjen e Anglisë me Spanjën në Nations League.
“Jam i zhgënjyer, sepse do të na mungojë kundër Liverpool-it, por ndoshta edhe kundër Inter-it në Champions League. Gjithsesi, nuk është një dëmtim i rëndë”, tha trajneri Mauricio Pochettino.
Ndërkaq, mungesë tjetër e rëndësishme para sfidës së të shtunës kundër Liverpool-it është portieri Hugo Lloris.
Kampioni i botës, i cili këtë javë u dënua për ngarje të makinës në gjendje të pirë, mund të mungojë disa javë, për shkak të një dëmtimi pësuar muajin e shkuar, kundër Manchester United. Për kapitenin nevojitet edhe një kontroll tjetër mjekësor, për të parë si po ecën procesi i riaftësimit, por frika është që francezi të mungojë deri në fund të vitit.
TEAM NEWS:
👤 @dele_official (hamstring) unavailable this weekend.
👤 Hugo Lloris (thigh) unavailable and expected to be out for several weeks.
👤 @JuanMFoyth (thigh) returned to training last week.
👤 @MoussaSissoko (hamstring) expected to return to training next week. pic.twitter.com/zUBDxf7hZe
— Tottenham Hotspur (@SpursOfficial) September 13, 2018
