Frenkie De Jong është shndërruar në objekt dëshire të skuadrave më të mëdha në Europë. Përveç Barcelonës, e cila bëri shumë përpjekje në merkaton e verës për transferimin e mesfushorit të Ajax në Katalonjë, për 21-vjeçarin tashmë pritet të ketë edhe një derbi.
Sipas mediave angleze, Manchester United dhe Manchester City pritet të duelojnë me njëri-tjetrin në muajin janar për të siguruar shërbimet e mesfushorit holandez. De Jong pëlqehet shumë nga të dy teknikët e skuadrave angleze, Jose Mourinho dhe Pep Guardiola, ndërkohë që nuk mbetet pas edhe Barcelona, e cila nuk ka hequr dorë nga 21-vjeçari.
