Më në fund Liverpuli i Jurgen Klop ka pësuar humbjen e parë në Premier Ligë. Redsat u mposhtën 3-2 në transfertë nga Uest Hemi në një sfidë spektakolare.
Të parët që kaluan në avantazh ishin vendasit me një autogol të shkaktuar nga portieri Alison. Por Liverpuli reagoi dhe në minutën e 41-të, Aleksandër Arnold barazoi shifrat me një perle nga goditja e dënimit.
Në pjesën e dytë, Uest Hemi tundi dhe dy herë rrjetën në pak minuta, me Fornals dhe Zuma ndërsa Origi ngushtoi diferencën në minutën e 83-të, por vetëm kaq.
Uest Hem fiton dhe merr 3 pikë që i japin vendin e 3-të në Premier Ligë duke lënë pas Liverpulin me vetëm 1 pikë më pak.
