Paris Saint Germain nuk di të ndalet në Ligue 1. Skuadra e Thomas Tuchel ka mundur 3-0 Nice në transfertë dhe ka marrë kështu fitoren e tetë radhazi në kampionat.
Parisienët kanë shënuar nga një gol për çdo pjesë loje, me të parin që ka ardhur në minutën e 22-të dhe që është shënuar nga Neymar, i cili ka mposhtur portierin kundërshtar me një të bukur nga jashtë zone me të djathtën.
Në fillimin e pjesës së dytë ka ardhur edhe dyfishimi i avantazhit për miqtë, që kanë gjetur rrjetën me Nuknku. Takimi është mbyllur në minutën e 59-të pasi vendasit kanë mbetur me 10 lojtarë për shkak të kartonit të dytë të verdhë të marrë nga Cyprien, që ka goditur me bërryl Neymar.
Në minutat e fundit, më saktësisht në të 93-n, PSG ka shënuar edhe golin e tretë me Neymar. Kampionët në fuqi të Francës kryesojnë bindshëm renditjen me 24 pikë, nëntë pikë më shumë se ndjekësja më e afërt.
