Futboll Premier League Sport

Telashe për Arsenalin/ Mesfushori dëmtohet në prag të sfidës me Evertonin

Mesfushori armen i Arsenalit, Henrikh Mkhitaryan, mund të mos luajë ditën e diel në përballjen ndaj Everton, pasi është dëmtuar në gju gjatë ndeshjes që “topçinjtë” luajtën në Europa League, ndaj Vorskla. Sipas një deklarate të bërë nga klubi londinez, 29-vjeçari ka pësuar një dëmtim, që mund ta lërë në stol apo në tribunë në ndeshjen e radhës, ndërkohë që probleme fizike kanë edhe Sead Kolasinac, Ainsley Maitland-Niles e Carl Jenkinson. Por këta të 3 do të rikthehen vetëm muajin e ardhshëm.

Dëmtimi i armenit nuk është i rëndë dhe ai pritet të mungojë vetëm një javë në Premier League dhe të jetë në dispozicion të skuadrës pas 10 ditësh. Mjekët thonë se Mkhitaryan ka nevojë për pushim absolut 48 orë, çka mund ta lërë në stol në takimin ndaj Everton. Mkhitaryan, i ardhur në janar tek Arsenali, ka qenë një nga lojtarët më të mirë të trajnerit Unay Emery në këtë fillim-sezoni, por duket se fati i keq e ka ndjekur në ndeshjen e Europa League, ku është dëmtuar (Arsenal fitoi 4-2 ndaj Vorskla).

Related posts

ERGYS KAÇE PO “RILIND”/ Luan 30 minuta në derbin e Greqisë dhe i dërgon “mesazh” Panuccit

Isa.Autor

SHUMË KËRKUES PAS MERKATOS/ Milani nxjerr në shitje Kessie, përgatiten të blejnë yllin e Premier…

Delo.autor

Letra e sinqertë e ‘La Gazzetta’ për Buffon: Gigi, kërkoni falje…

Sadik.Autor

Leave a Comment