Cristiano Ronaldo u transferua te Juventus me një qëllim të vetëm: të cojë te bardhezinjtë trofeun e Champions League. Megjithatë, debutimi me “Zonjën e Vjetër” në Europë për portugezin ka qenë për t’u harruar, pasi u përjashtua nga fusha me karton të kuq në minutën e 29 në sfidën kundër Valencia-s. Tani ai rrezikon nga një deri në tre javë dënim nga UEFA, e cila do të marrë vendimin për portugezin më 27 shtator.
Cristiano Ronaldo është regjistruar si kryegolashënuesi i Champions League në sezonin e fundit, por pas kartonit të kuq dhe dëmtimit që mund të marrë, ai mund edhe të mos ia arrijë që të konfirmohet sërish në këtë listë.
Portugezi ishte favorit në listën e golashënuesve për të marrë drejtimin në Europë; tani, kompanitë e basteve kanë bërë një hap pas. Kuota fillestare ishte 7.5 për CR7, por tani agjencia Sisal Matchpoint e ka kuotuar atë me shifrën 9.00 së bashku me Robert Lewandowski-n që ka shënuar një gol në sfidën Benfica – Bayern Munchen.
Për bastvënësit, lojtari që është më favoriti për të bërë Ronaldo-n që të abdikojë ‘fronin’ është Leo Messi, i cili pas tripletës kundër PSV Eindhoven në ndeshjen e parë, tani kuotohet vetëm 2.50.
E ndjek Bale me 12.0 dhe më pas vjen trioja e PSG-së, Cavani – Neymar – Mbappe që kuotohet secili me shifrën 16.00. Sfida tani është mes Messi-t dhe portugezit, i cili ka humbur disi pozicionin për t’u ngjitur në majën e Europës.