Myrto Uzuni ka debutuar si titullar te Lokomotiva e Zagrebit në elitën e futbollit kroat. Ish-futbollisti i Laçit, qëndroi gjatë gjithë ndeshjes në fushë, duke bërë një paraqitje të kënaqshme në fitoren 2-5 ndaj Slaven Belupo.
Protagonist në këtë përballje ishte talenti shqiptar Lirim Kastrati. 19-vjeçari i cili është pjesë e 21-vjeçarëve të Kosovës shënoi tripletë duke i siguruar një fitore të artë skuadrës së Lokomotivës.
Aktivizimi i Uzunit duket se i ka sjell fat skuadrës nga Zagrebi, e cila u rikthye te fitorja pas 2 humbjesh radhazi duke u ngjitur në vendin e tretë në renditje. Në sfidën e radhës Lokomotiva do të presë Rijekën në shtëpi.
